Misioni ynë

UNIONI “STOP KRIMIT” është dhe një Bashkim i filialeve, degeve dhe qendrave Shqiptare te Studimit te Luftes Kunder Terrorizmit dhe Krimit te Organizuar, të ngritura që prej vitit 2005 për komunitetet shqiptare, kudo që ndodhen në emigracion

Misioni ynë

UNIONI “STOP KRIMIT” (SCU) është organizatë e pavarur jofitimprurëse (OJF) studimore dhe vepruese e themeluar në përputhje me Kodin Civil të Republikës së Shqipërisë, e cila nuk ndjek qëllime ekonomike, por për realizimin e Misionit dhe objektivave të veprimtarisë të përshkruar në Statutin e saj ka të drejtë të ushtrojë çdo veprimtari të ligjshme ekonomike. Kur ushtrimi i një veprimtarie paraprihet nga nevoja për marrjen e një leje apo licence, nëpërmjet një personi të autorizuar do t’i paraqesë kërkesën organit përgjegjës. Ajo ushtron veprimtarinë e saj në përputhje me ligjet kombëtare dhe ndërkombëtare si dhe në bashkëpunim me organizatat qeveritare dhe jo qeveritare për studimin, parandalimin dhe luftën kundër krimit, të cilat kanë qëllime të njëjta si brenda territorit të Republikës së Shqipërisë, ashtu dhe jashtë saj.

Objektivat:

• Të ndihmojë në studimin identifikimin dhe përshtatjen në kushtet e Shqipërisë të formave dhe metodave të reja të parandalimit e luftës ndaj krimit, në bashkëpunim me qendra dhe organizata të vendit, rajonale e ndërkombëtare.
• Të kontribuojë në shkallë vendi e qarku në përpjekje për ndërtimin e një fronti të përbashkët rajonal e më gjerë, për parandalimin dhe luftën kundër krimit të rrugës, shpërndarjes së drogave nëpër territoret e shkollave, bullizmit, trafiqeve të paligjshme me fokus të rrinte dhe të miturit.
• Të ofrojë ekspertizë të kualifikuar për viktimat e krimit me ekspertët dhe anëtarët e saj në bashkëpunim me organet e specializuara shtetërore. Të ofrojë shërbime të specializuara me ekspertë për viktimat e mitura të krimit
• Të përfshijë dhe trajnojë ata qytetarë shqiptarë që janë të përkushtuar për mbrojtjen e demokracisë, të shtetit ligjor dhe të komuniteteve të tyre nga veprimtaria kriminale, duke i përfshirë si vullnetarë, ose si aktivistë të kualifikuar në projekte studimore e vepruese proaktive.
• Të shkëmbejë dhe ofrojë eksperiencat dhe bashkëpunimet e anëtarëve të saj me agjencitë të specializuara shtetërore të zbatimit të ligjit, policisë, shërbimit informativ si dhe agjencive private të sigurisë brenda e jashtë vendit për parandalimin e krimit dhe edukimin e komuniteteve.
• Të studiojë shkaqet, dukuritë dhe fenomenet e lindjes dhe zhvillimit të krimit në Shqipëri dhe në radhët e komuniteteve shqiptare në emigracion si dhe mundësinë e dokumentimit, parandalimit dhe luftës kundër krimi, duke ruajtur dhe mbrojtur sipas ligjit privacinë e burimeve të informacionit.
• Të bashkëpunojë për parandalimin e krimit ndërkombëtar nëpërmjet shkëmbimit të përvojave mes anëtarëve dhe organeve të tjera të sigurisë të vendeve të BE dhe jo të BE, sipas ligjeve kombëtare dhe ndërkombëtare në fuqi.
• Të studiojë dhe shkëmbejë analiza e statistika, të dhëna dhe projekte në fushat e sigurisë kombëtare e ndërkombëtare, për një trajtim alternativ të problemeve shkencore që kanë të bëjnë me mbrojtjen e të miturve nga trafikimi, në lidhje me birësimet, shfrytëzimin seksual, trafiku i organeve dhe përfshirja e shtetasve shqiptarë brenda dhe jashtë vendit në organizatat kriminale shqiptare e ndërkombëtare.
• Të ndërmarrë kërkime dhe studime në fushën e krimit kompjuterik, me fokus të veçantë në ndikimet tek të miturit e të rinjtë, për të parandaluar viktimizimin e tyre nga veprat e reja penale kombëtare dhe ndërkombëtare të fushës.
• Të studiojë, të shkëmbejë analiza e statistika, të dhëna e projekte në fushat e luftës kundër përdorimit të armëve biologjike e kimike, si dhe të mjeteve e materialeve që përdoren për identifikimin e personave që i posedojnë e trafikojnë ato.
• Të kontribuojë në bashkëpunim edhe me organizata të tjera homologe kombëtare e ndërkombëtare në identifikimin e formave dhe metodave të reja për parandalimin dhe luftën kundër krimit