Krijohet UNIONI “Stop Krimit”

Më datë 16.02.2015, Gjykata e Rrethit Gjyqësor, Tiranë, mori në shqyrtim kërkesën e paraqitur dhe vendosi rregjistrimin e UNIONIT “STOP KRIMIT”, si organizatë jofitimprurese e themeluar sipas dispozitave të Kodit Civil të Republikës së Shqipërisë dhe ligjit nr. 8788, datë 07.05.2001 “Për Organizatat Jofitimprurese” dhe depozitimin e akteve themeluese në Regjistrin e Organizatave Jofitimprurëse, “UNIONI “Stop krimit” zbaton e mbron standartet e Shtetit Ligjor dhe Kushtetutën e Republikës, duke respektuar në filozofinë e vet të punës, parimet e profesionalizmit dhe demokracisë.

Misioni ynë:

Nxitja e nismave, studimi i prirjeve, ofrimi i rekomandimeve per hartimin dhe implementimin e strategjive te parandalimit te krimit ne shoqërinë shqiptare, duke garantuar asistence te kualifikuar. Ne synojmë qe përmes veprimtarive, studimeve dhe rekomandimeve, te nxisim bashkëpunimin, koordinimin dhe sensibilizimin e institucioneve te shtetit, shoqërisë civile dhe qytetareve ne fushën e parandalimit dhe luftës kundër terrorizmit, krimit te organizuar, te bindur se marrja e përgjegjësive nga te gjitha segmentet e shoqërisë shqiptare është forma më e mirë dhe strategjia kryesore e parandalimit te çdo lloj krimi.